مصر أيه تساوي ؟
بقلم / المستشار شريف الشامي أبو عيطه : عضو اللجنة العليا لتقصي الحقائق بالمنظمة العربية الدولية لحقوق الإنسان مصر
مصر أيه تساوي ؟
أيه تساوي من غير ولادها ؟ مصر أيه تساوي من غير جنودها ؟ أبطال رجال و دافعوا عن رمالها , لأخر نقطة دم و تنسوا ويا السنين , مصر تراب زي أي تراب , عاش عليه بني أدمين , من كل جنس و لون بالملايين , مصر عزتها بأهلها , مصر كرامتها بالقرأن , مذكور فيه أسمها , مصر النور برحمة ربها , مصر الريادة بقوة الله , مصر بخير جنود الأرض , و دول كمان ملكها , ودا كلام نبيها , و لا مش عارفين , مصر ببركة خطى الأنبياء , و لا مش فاكرين من أول سيدنا إبراهيم على الأنبياء السلام أجمعين هي دي مصر ال أنا بحبها و بدمي أفدي كل شبر من أرضها و علمت ولادي أننا في الأصل فدائيين تحت الطلبولأمرها منتظرين , غير كدا تبقى مش هي دي مصر , مش هي دي مصر ال جنودها بيموتوا فيها فطيس على أرضها بأيد ملعون مجنون بيقولوا أحنا المصريين , أو بإيد بلطجى مأجورخسيس معدوم الدين. وصارت زحمةو مجازر طاحنة قلنا دي محنة طلعت رحلة , ومش عارفين مخرجها منين و لا عارفين ريحين على فين , دا البيحصل بين ولادها , دعوات واهية تودي في داهية يا بأسم الدين يا بأسم الحرية أو بأسم لين ملون , ينفع قضية لأي معارض فيكي يا مصر , يا أم الدنيا يرضيكي كدا , وفلحظة و ثانية تبقى سجين ,و في يوم و ليلة تبقى سنين على أيد سجان مصري صميم , فين مصر و فين ولادها أنتم مين , أنتم ولادها ولا أنتم مين ولا أنتم لعنة الفراعيين , ولا عقولكم تاهت ولا ضاعت أكمنكم جعانين , كلنا جعنا , وزاد الجوع لما جلنا واحد مفجوع , صحيح مننا بس جوع أبونا كلنا , تلاتين سنة , أفترى علينا وقال فين يوجعك , منه لله السادت عملها فينا وفات , ولا دا ذنبه أكمنه بالغدر و تحت الجهل بأيدينا مات . مات شهيد , المهم شهيد وعند ربه فرحان و سعيد , و المفجوع من بعد ما راح مش المفروض نقعد نرتاح لازم نبدأ المشوار زي ماقولنا في البدايةثوار أحرار و هنكمل للنهاية, طب أيه بس الحصل, صحيح مرسي نضيف بس كمان أدائه ضعيف ومشاكل مصر حمل ثقيل ما يقدرش عليه يا خفيف , مطلوب نصبر بس كمان للصبر حدود ,لا أكل ولا مأوى ولا علاج وتقولي فين هو الأنتاج , لا مش دا المفروض يا شباب , قويني وئويني واتفرج بكرة على الخيرات صح كدا يا متعلمين , مش هي دي مصر يا سادة؟ ولا صراع دموي عالأستاذة لا يا ولاد الأصول يا متعلمين , مصر أم للجميع لا هي زوجة لحد ولا هي زوجة أب و أنتم زين العارفين., مصر قلب كبير كلنا فيه مدفيين, صراحة هقولكم كلمتين صافوا قلوبكم مش أخوانكم, طهروا ضمايركم مش أبدانكم واستعينوا بالخالقكم……. طبعا عالم بكل أموركم , و هو خير معين فوقوا بقى يا ولاد مصر يا مخلصين قبل ما نبقى عبيد لأحفاد المسخيط مصر بسببنا في خطر دي أحلامهم ينفع بردوا نحققهلهم وتبقي ساعتها ركعتي يا مصر , و اي ندم ساعتها يفيد
لما نبقى تحت عبيد لا يا شعب مصر يا بن الأبييه قولها بصوت واحد يرج الدنيا مصر حره مصر قوية ليوم الدين..
