حسن حفني
مرار
............
قالوا لي داري الألم
قلت الألم مكشوف
واضح وزي العلم
لو أعمى بيه بيشوف
قالوا لي داري البكا
قلت الوجع فضاح
شهقة لسان أشتكا
والقلب عبَّ جراح
يا صبر خُد سِكتك
والعمر من بدري
تسرقها من ضحكتك
و انت ولا بتدري
عشق الصبايا بلا
يجرح ولا يداوي
وأهو راح ضحيه الولا
و أوعاك تكون ناوي
أنا قلت مش رايح
واصبر على المكتوب
بس الوجع فايح
و ده ياما بكى قلوب
مش راح اقول تاني
نُصحي و أديته
لو يوم تقول ياني
أنا جرحي خبيته
قالولي داري الألم
حاضر كتمت الآه
شايل قِليبي الهمّ
والصرخه من جُواه
..........
حسن حفني
أعجبني
