يادنيا مش فاهمك
قولى لى قصدك ايه
عزفت على لحنك
رافضه عزفى ليه
كان عندى حلم كبير
فى ليله قمرايه
وانتى معايه بنطير
فى طفولتى وصبايه
جناحى كان أملى
فى فجر يزيل الغم
وبكره مليان شمس
وخير للخال والعم
كبرت وكبر حلمى
جوايه عزم أكيد
أشيل معاكى الحمل
والخير جواكى يزيد
يادنيا مش فاهمك
دايما قبولك رفض
طول عمرى أنا أحايلك
وانتى سريعة الصد
حاولى تجاوبينى
هتلقى قلبى كبير
عاشق هوى سنينى
وعمرى كان تراتيل
فصل الربيع سكنى
واموت ف لون الورد
فلك على وردك
صبوا ف حياتى الشهد
باعشق ف ليلك قمر
يشبه حبيبى كتير
عود عيونى السهر
وف حبه صرت قتيل
يادنيا حبينى
أزرع بحبك خير
ينور قناديلى
ووزعه للغير
حبك دراع مجداف
فى بحر أيامى
وشراع يوجهنى
فى نهر أحلامى
يادنيا محتاجلك
خلص منى الكلام
يتمدى لى ايديكى
ياتقولى عليه السلام
٢ تعليق
