قصيدة بعنوان......... عم شحاته

عم شحاته أشترى نبوت
من فضا حاله بقى مخووت
حبك العمة على الجلابية
هيأ نفسه صاحب ملكوت
جاب برميل حطة رساه
نصب القعده كامين مسدود
كل الناس واقفة وشايفاه
قفل السكه إبن الهلفوت
واللى يعدى يقوله إهرشلى
واللى يطنش مش هيفوت
رشح نفسه زعيم وفتوة
بعد ماكان زى السفروت
واللى يشوفه يقول ياحلولة
ويقوم رازعه ب الشلوط
عشمان يرجع عصر القوة
ويحقق هدفه المنشود
بعد ما تاهت بينا الكلمة
والأخلاص بقى مش موجود

كلمات الشاعر محمد ثروت عبد الحفيظ