ذكريات 
.........

كان نفسى احبك واعشقك 
من غير عذاب 
وانسى همومى وافرحك 
وارجع شباب 
واسرق من الدنيا العجيبة 
ساعات سعيدة 
احضن هواكى واحضنك 
ونطير باحلامنا الحبيبه 
والمس خدودك 
وادوق شفايف الورد 
واسبح فى بحر عنيكى 
واسرح يا حبيبة 
انسى الزمان والمكان 
والحزن والآلام 
وارحل من الدنيا الكئيبة 
اضحك بعلو الصوت 
ده الياس زى الموت 
واجرى معاكى 
على شط الهوى وانفوت 
نحضن هوا النسمه 
نسبح مع الملكوت 
نبنى م الأمل قلعة 
تحمينا م الحساد 
وانعاهد المولى 
ع الحب طول الحياة 
نمسح دموع الفراق 
والحب يجمعنا 
وانعيش لآخر العمر 
قلبين حبايب بعض 
الصدق جمعنا 
كان نفسى اعيش لك عمر 
افرش حياتك أمل 
اغزل بحبك عبير 
انشد ترانيم محبه 
يسمعها كل البشر 
حتى الجماد والطير 
الحب بستان أمل 
لو جار علينا الغير 
لكن ساعات الهوى 
بيكون فى شكل الدوا 
نفرح بطعمه قوى 
وهو أصل الألم 
ونفوق على جرح أليم 
نندم على إللى فات 
ينده ضميرنا علينا 
فوقوا .... العمر فات 
والقلب يرجع حزين 
عايش كأنه مات 
تخلص فصول الحكايه 
مع دمعة قلب حبك 
وهيفضل للمات 
عايش على ذكرى حبك 
خلصت كل الحاجات
ما فضلشى يا حبيبتى 
غير حبة ذكريات 
ما اقساها الحياة

أيمن أبو الدنيا 
23/10/2018