فيصل بدر شاعر القريه

ساعتان · tagإضافة موضوعات
أنا رِمشى لامى ألف مينا
المينا واسعه خـُشى يا امه
وان كُنتِ خايفه م الزمان
أنا قلبى ليك ساحه وميدان
*********
*********
عينى عليك
وانتِ فى شوارع المدينه بتصرخى 
وصرختك يا مُسلمه بتشق قلب الليل 
والدمع فى عيونك محيط
بتدَوُّرِى من كام سنه 
على طفل كان تاه فى الميدان
الطفل عجِّـز من زمان
واخِضَر فى دماغـُه البياض
كان لعبه تحت رجلين الخيول
فى اسطبل كان مليان ديول
والخيول والنفوس المرضانين
كان أكلُه فى اسطبل الليالى
كل طقه ألف ضلمه
****
كان شـُرْبه من بحر الدموع
وكان غطاه سبعين سِياط
البرد كال من جسمه
عشرات السنين
طفلك بيجرى فى قلب شارع
والشوارع فى المدينه معتمه
ومغيمه
قطر الأمان فات من زمان
ولا عاد هناك ريحــة أمل
عينى عليك يا مُسلمه ومستسلمه
لِحد أمته ها تسألى وتصرخى
دا القهر نهر
والنهر مهر
والمهر دهر
والدهر مليان أسئله
****
لو كات خيول الغدر دهست جُثته
من يوم ما سبتيه فى الميدان
كات ريحته طلعت من زمان
كات نقطة الدم اللى تنزل من ضناك
ترسم خريطه ع الطريق
وتدلنا على جُثته
ابنك صرخ مره فى ميدان
من زمان
****
شاعر القريه
فيصل بدرأعجبني