اغنيه بعنوان ..

( منك لله يا قلبى )

منك لله يا قلبى .. زى م ظلمتنى و ياك ..

مكنتش أعرف إنك .. مخبى إيه جواك ..

حب م كانش ليا  .. أعمل بو إيه ..

اللى حبيته فين هوه .. تعالى  شاورلى عليه ..

           منك لله ياقلبى ..

ليه خلتنى بس أحبه .. و أدوب ف هواه ..

ونا معرفش إيه هيكون ..  مصيرى معاه ..

هيحبنى قد م أحبه .. و يتن فاكرنى على طول ..

ولا هينسانى  .. بعد الشوق م يطول ..

           منك لله يا قلبى ..

بعد م حبيته الحب دا كله .. نكر حبى و سابنى وراح ..

كان يخاصمنى و يبعد عنى .. و أرجع تانى أقوله سماح ..

أعمله إيه بس يا قلبى .. غلبت أحايل بالكلام .. 

ألا قيه يعاند .. و م يردش حتى السلام ..

          منك لله ياقلبى ..

قال إيه بيقول ندمان .. على حبه ليا زمان  ..

و ناسى إن أنا كنت .. بسقيه الحنان  ...

هجرت الكل عشانه .. و بعت العمر بحاله 

و الآخر م سألش كمان  .. ولا قال إيه جراله ..

           منك لله يا قلبى ..

بقلم الشاعر ..

محمد البريمى ..