ياللى عايشة ومالكة قلبى
ليه نسيتى الليل و حبى
فهمينى ... 
ليه يكون بينا البعاد
وانتى عارفة مكانش ذنبى
يبقى ليه قسوة وعناد
يبقى ليه قسوة وعناد
ليه تسيبى الفجوة توسع
لما انادى وجرحى يوجع
لو تشوفى حالى يصعب
قلت ممكن لما هابعد
تهدى نار الشوق مابينا
خوفت يومها لو هنقعد
العتاب يبعد مابينا
هاتى روحى واسأليها
وابعتى لروحك واديها
تعرفى كل الحقايق
هتلاقينى جوه فيها
رجعى كل اللى فات
صحى شوق الذكريات
عيدى ترتيب المحبة
وفقى تانى الجينات
****
 جابر الأسد