تمت مشاركة منشور من قبل بهاء اللبودى.
٨ ساعات · tagإضافة موضوعات
بهاء اللبودى١٣ يونيو، الساعة ١٠:٤٣ معندى دكر حمام نوعه بلدى ولونه اسود ومن الآخر في سوق الحمام ميسواش نيكله .. حظه بقى متجوز نتاية كريزلايه زي القمر ابيض فاسود ومنقارها جميل وجرمه وعريضة عليه البأف دا وبيخاف منها تضربه لو لعب ف دا وبيخاف منها تضربه لو لعب بديله مع الحمامات الانسات والآرامل وخلافه 😁😁 ويجي قدامها يعمل مؤدب وابن ناس اوي ويساعد فجمع القش وترميم العش اللي راقدة فيه الغلبانة ومن وراها دحلاب دحلاب 😁 😁
مش كدا وبس الدكر دا له حكايات وحوارات تانية من تحت لتحت اما عن سيادته فواقع لشوشته فحب شابه استراليه سمرا وكان ليها مستقبل باهر لكن للاسف حصلها كسر في رجليها وهي صغيرة وحالتها اتأخرت فبقت بتزك على رجليها في المشي😑 .. بيموت فيها دي وبيعاكسها في الرايحة والجاية وهي ولاا معبراه 😁😁
ولك ان تعلم ان مش كدا وبس لأ دا داخل اطار الحدوتة نتاية شقلباظية لونها اصفر فاتح تشبه شيريهان كدا في الفوازير وليها قُصة وحركات وريش ناعم بتموت في البعيد على عينه ودايره وراه في الشوارع والبارات والنواصي تتمناله الرضى يرضى وهو تقلان 😁😁 عجبي ..
وانا قاعد وسط الحدوتة دي بتابع الأحداث أول باول وبنقل لكم الصورة عبر حلقات ووعد مني لن اتدخل لحل اي نزاع قد يحدث حتى لو الامور خرجت عن السيطرة 😁😁 وحتى نرى ما ستسفر عنه الساعات والليالي القادمة .. سلام
#بهاء_اللبودى
