بسيوني صديق

٨ ساعات · tagإضافة موضوعات

حقك عليا متزعليش
****************
حقك عليا متزعليش
ما كنتش اعرف ان الحظ هيديني قفاه
حقك عليا متعيطيش

امال لو كنتي مش عارفه البير وغطاه
اعمل ايه حظ مفيش
كل مابدا من الصفر يجي عفريت ياخد كل حاجه معاه
اطفش يعني مجيش
واللي يسئلك عني قولي ده مات ولا تاه
ليه ياحظ تدي ناس واحنا مفيش
حلمنا بسيط مش طمعانين ده مجرد حلم وعشناه
****************************
حقك عليا متزعليش
انا عارف انك استحملتي كتير وواقف علي بابك اللي معاه
واللي مصبرني ان الحب بيني وبينك مبينتهيش
اي نعم انا كبرت وانكسر ضهري بس كل شئ ليه دواه
خلي ابوكي يرحمني وميفتيريش
والمركب تمشي والمراكبي يرسي علي مرساه
ايه يازمن ده حرام عليك متعاندنيش
البنيه كبرت هي كمان 
ومستنيه تفرح ده الحزن مخبياه
هو احنا مش هيجي علينا الدور ونعيش
ده اللي يشوف حكايتنا ويقرها هيقول ملعون الحب وهواه
****************************
حقك عليا متزعليش
غيرنا كتير وكتير مضروب زينا علي قفاه
مداري وري الحيطه متفكريش
هانت كلها بعد الخمسين هتفرج ونكمل نص دينا اه يازمن اه
خلاص العمر بقي مفيش
المهم الحلم يتحقق وكل واحد فينا ينول اللي يتمناه
***************************
حقك عليا متعيطيش
اللي خلق عبده ورعاه عمره ابدا ما هينساه
علي فكره انا مبحكيش
انا بفضفض وبطلع اللي في قلبي ومكتوم جواه
اصبري ومتعيطش وحقك عليا متزعليش
****************************
كلمات بسيوني صديق