صرخة عذاب
-----------------
كتبت حروف من الٱحزان
علي السطر اللي كان فرحان
بيعزف عالأمل الحان
خلاص مبأش
وكان ياما كان
بينزف قلمي بدموعه
وكسرة قلبي جوايا
تدوب روحي كالشمعة
معتش عتاب معتش كلام
ولية اللوم عليك يازمان
مدام راضي، وترضالي
اموت مقتول من الاوجاع
واتبسم ولا، اتكلم
سكوتي معايا مصاحبني
وصمتي في ليلي، صاحبني
ولو موتي هيسعدني
اموت، واكون
راضي وفرحان
ماانا اللي بعيش لكن ميت
عشان جوايا كله هموم
ونتحايل عليك يازمان
نمد ايدينا مش طايلين
بنزرع ورد خطوينا
بدال الشوك في قلب حزين
هنحكي ازاي ونشكي لمين
قلوب شايفانا عميانا
يعيشوا الفرح ويانا
ووقت الحزن تنسانا
ومش شايفين
وقولنا الدمع ريحنا ويسعدنا
لقينا الدمع بيداري
في نار جواه بتحرقنا
عيون قلبي جفاها النوم
وبيفوت يومي، كله هموم
ماانا، الانسان وبتألم
واداري، جراحي واتعلم
واعيش في الدنيا
فرح حزين
واصب الكاس واسقي الناس
حروف مليانة، شوق وحنين
كلام في الحب مش، ممنوع
لكن مليان اهات ودموع
وقلب بينزف الاوجاع
لكن رافض يعيش مخدوع
بقلمي /إيمان رضوان
