ياتاجر السعاده
هي السعاده مقاسات
اعطيني بزيادة
وعوضني اللى فات
وإذا كانت بالقنطار
متقسمه بالعدل رجال زى ستات
ولا أنت مقيد
بنسبه للمبيعات
ياتاجر السعاده
قولى الطريق منين
موجود فى أى حاره
شمال ولا يمين
ليه بس بتخبي
قولى بتوزعها لمين
معروض لكل الناس
ولا لناس بالعين
قولي شروطك أيه
فى قائمه الطالبين
قالي ماليش شروط
عندي قايمه طويله للناس اللى طالبين
بس السعاده ياولدي
جواكم طول السنين
ترضىَ بقضاء ربك
هاتكون م المسعدين
ماتبصش لرزق غيرك
تبقىَ حياتك زين
ولو شكرت ربك
يعطيك بزياده ربك وتكتب م الشاكرين
( أسامه جديانه)