....رمضان وموائد الشيطان ........
.....................................................
يزول العز يا أهل الفشخرة
...........ياإللي بدعتم لكل حاجة صوان
صوان للفرح وصوان للمرح
......................وصوان لمجمع الأحزان
وصوروا الفقير وهو بياكل
................على موائد نسبتوها للرحمن
واعملوا صوان وفطروا فيه
........الأكابروحرموا دخوله على الغلبان
واتبذرواواحرقوا دم الغلابة
..........واتمخطروا وامشوا مع الشيطان
واخربوا بيوت الحيارى
.....................علشان تبقوا من الأعيان
وانجضعواعلى كراسى مزخرفة
......................على حساب فقير دهبان
لو طلب منكم جنيه يشترى
................به علاج لانه م المرض تعبان
هتفضحوه فى البلد
....................وتفجروا م الغضب بركان
وتقولوا دا بيدعى وعمره
...................... ما كان مريض ولا عيان
وتبقى فضيحة وقصة
......................وحكايةيحكيها كل لسان
يا اخونا سيبكم من المنظرة
...........................وافتكروا ليالى زمان
كان الوقار فى المعازى
..................والفرح للغنى والفقير عنوان
وكان إطعام الفقير فى
........... . ..........السر عمره ما كان بيبان
واكرام الضيف عمره
................ماكان بطباعة دعوة او إعلان
والستر كان فى العطاء
................حسب تعليمات الواحد الديان
لا فيه نفاء ولا فيه رياء
.............لكن فيه احترام لكرامة الإنسان
وفيه نهى عن المنكر وأمر
................. بالمعروف والعدل والإحسان
وعفة الفقير تمنعه من فضيحة
...................صور يصورها حقير شيطان
ويعيش العمر بكرامته
.............ويرفض الذل ولو يموت جوعان
.....................مع تحيات ....................
.................محمد جمال فايد..................
..............جمهورية مصر العربية..............
.......كفر شبرا زنجي الباجور منوفية ......
عدد زيارات الموقع
59,019