💚💙. جمهورية قليوب 💙💚💛
يا بلدي يا قليوب
الوضع ليه مقلوب
انا حبي ليكي ذنب
وناوي عنه اتوب
يا زهرة النوار
و القمحة و الصبار
احلامي ليكي كتار
والحلم ليه بيدوب
مش جايه ليه ع الكيف
ابنك وعايش ضيف
لو كلت المجاديف
عزمي انا مايدوب
بلدي وست الكل
نفسي ازرعك بالفل
بيسقوا وردك غل
والارض تتطرح طوب
امتي تنقي الناس
والقي الخسيس ينداس
انا قلبي كله حماس
يشعلها والله حروب
عايزك بلاد للخير
تبقي الامل للغير
والكل منا يغير
حقك يا ساحرة قلوب
عاشق بقي ومجنون
يا اجمل بلد ف الكون
انتي اللي حطة الجون
ف القلب يا قليوب
#الشاعر_ابراهيم_دعبس
((انا قليوبي الميلاد والاقامة اعلم اني بلدي قليوب ليست قطعة من الجنة ولامن اوربا ولا اجمل مدينه في مصر بل بالعكس مجرد مدينة مظلومة جغرافيا وخدميا واداريا. واعلم ايضا ان ناسها ليسوا ملائكة ولا هي المدينه الفاضلة
لكن قليوب امي و مسقط رأسي فيها ولدت وكبرت وتعلمت وتزوجت منها و يحيا بها اولادي واقاربي ومعظم حبايبي. حتي وصيتي ان ادفن بها قليوب جزء مني وانا جزء منها وانا قليوبي بالثلث. من قليوب البلد مركز قليوب محافظة القليوبية ))
أعجبني
