٦ ساعات · Text On Photoطفل صغير ..
جوانا أكيد طفل صغير
عاوز يخرج لكن متحير
هخرج وأقول لهم ايه
عاوز العب طيب فى ايه
ولو سألوني تلعب ليه
أنت كبرت و ليه متغير
هرد و أقول كان نفسي
العب كثير وأنا صغير ؟
بس الأيام ما سمحتليش
ولا الدنيا سابتني أعيش
شيبتني وما سألتنيس
نفسك فى آه وأنا صغير
كان نفسي العب مع الاطفال
نلعب سوى لعب الصغار
واحضن لعبي ليل ونهار
نروح البحر ونلعب كوره
فى حديقة قدامها نافورة
نركب مراجيح ونشترى بلونه
و نفرقع بمب من البلكونة
نجرى ونتنطط من غير ما نخطط
نزور أصحابى وكمان صحباتي
لا انا مسؤول ولا هى مسؤولة
عن اللى اتأخر أو حتى اتبخر
ماهو انا صغير وهى صغيورة
لكن ياخسارة لما كبرنا كله أتغير
ولا بقي لينا غير الذكري
مع كام صورة
نورة اسماعيل
