( نفسنا مركب سلامة )
الطريقة هيه هيه
واحنا ماشيين ف الطريق
مصر كانت ويا تونس
ليبيا كانت ويا سورية
والربيع أصبح غريق
الجزائر شادة حيلها
والسودان بتشوط ف ديلها
نفسناوالدرس ليهم
يخرجوا م الورطة ديه
برا أيوه الجاذبية
فالديابة سانة نابها
والدروس زى البريق
نفسنا مركب سلامة
تعدى بيهم م الندامة
والبكا لعزول يكون
أى حركة لفجر طالع
حطموا بيها السكون
والتأنى فى اختياركم
هو إللى هايبنى داركم
يبعد الماضى الحزين
نفسنا بعد الانارة
تشوفوا ايه لون الاشارة
واللى عاوز سلطة واحدُه
تنفوا روحه م العمارة
نفسنا تفوتوا المضايق
وتحسبوا ان الوليمة
مش وليمة انما
هيه الوطن
مش صحيح نبنى السعادة
ف الوسادة والقتال
بين الأحبة
الاخوة يبان وجودها
لما نتوحد نقيدها
بنجمة من جوا القلوب
سوريا حزن ف قلبى ساكن
بصوا شوفوا المساكن
الدمار بقى فيها ساكن
فين آلان
واللى عايش بعده هاجر
للوحوش عند الحدود
ضاع تاريخك يا محمد
بين ولادك والجدود
افتحى للشمس طاقة
يا سودان
وانت ايضا يا جزائر
ادرسوا كتب اللى حادث
لما بعنا النفس ليهم
والضمائر
الشاعر وحيد راغب