( صورة ف برواز )
ـــــــــــــــــــــــــ
بعد الفراق مابتدا
من ساعة الفجر الهزيل
وانا كنت حابب وحدتي
والليل الطويل
دمعي قليل والفرح
بالفعل كان اوهام
شايل جبال الصبر
فوق كتف الزمن
وبقول سلام
على كل قلب ف يوم عشق
وبات محروم
سلم على سهم اترشق
والجرح كان بيدوم
وف كل يوم
ساعة غروب الشمس من حضن القمر
وقت اما بان الفجر
وسمعت رنيتها
قالت الوو .. ماترد /
ولا انت مش سامع
وانا كان معايا الفكر
تايه ومتحير من فعل قسوتها
........
كانت كنيل بس الجفاف صابه
وازي ملح البحور يروي ف احبابه
يمكن تكون الميه تشبه للسراب
يمكن اكون عطشان للضحكه لو بعتاب
يمكن براح الكون
ف عنيا ضحكتها
وانا مهما كات الدنيا تصاحبني
تنفع بايه مواعيد
والتوهه بتاخدني
فيه ايه من طعمها يغوي
علشان تدوقني
قبل القصيدة ماتنكتب
كانت تكلمني
عن بكره واللي جاي
عن بيت يضم الفَرح
والضحكه ف الموال
......
انا اه كبرت كتير
واتغيرت احوال
بقولها مش مكسوف
عمري ماكنت ضعيف
ولا دقت طعم الخوف
بس اللي عاش ف الخطر
هو اكيد حبك
بعد اللي فات وانقضى
تفتكري راح اسامحك
.......
وسهرت طول الليل
وانا بشكي واناجي
مش قلت ليكي اكيد
بكره انا حاجي !!!
كبرتي ليه قصتك
قلبك ماهوش مكسوف
فكرك انا ملهوف ؟
تبقي ماتعرفنيش
لا هرد ع التلفون ...
ولا هسأل ايه هيكون
روحي ماتستنيش
عِندك اكيد اهو فاز
وكفايه انا عَندي
صورتك بقت برواز
بقلمي ( احمد هلال )
