لما جيت اوصف جمالها
فاق جمال عدّى الحدود
الجمال اصله ف دلالها
احمر الدم ف خدود
لما باسرح وف خصالها
قلبى دق ونبضه زاد
م الدلال اللى ف قوامها
م الرزانة و العناد
تبقى سحرانى بكلامها
مهما كنت بقلمى شاعر
قلبى داب ف بحور غرامها
العنين بستان جواهر
والجمال ف القلب ظاهر
ف الرموش بيكون جنانها
منها اكتب حرف ناطق
يحكى شوقى عن وصالها
اللى فى القلب وواصلها
طب قولولى قلب عاشق
احكى عن حبى و عشانها
احكى عن شوق من كمالها
لو خيال الفكر طالها
عن نسيمها او عبيرها
اوصف الشعر الحرير
اللى ينسال م الضفير
واللا رسم الشفتين
زى خاتم سلوتير
مهما اكتب من حروف
رغم انى و الظروف
اللى فيها وجوّه منى
مهما ادارى من كسوف
العذاب بيكون سلامها
لما جيت اوصف جمالها.
فاق جمال عدى الحدود
***
تحياتى / جابر الأسد
