*****************
على باب الفؤاد ألف سجان
وجلاد
يا دروب بلعها الصمت
و
ونساها الأمل
يا ضحكه تايهه عن صاحبها
من سنين
غاب القمر
والحزن عنوان الجبين
يا دموع نهارك ليل
نبعك شرايين الفؤاد
وجرح العين
يا صرخة الليل الحزين
شايف على جدار العذاب
ضحكة يتيم
يا عيون غريقه فى الدروب
سجان وألف جلاد
ورا كل باب
يا نجوم
يا اللى خيط اليأس زوادك
نور القمر مقتول
على جبال الهموم
والدم سايل ع الطريق
وف بحر أحزان الغلابه
ألفين غريق
يا جنة العشاق اتزيّـنى
بكره الأمل مولود
ونور القمر هيضمنى
يا حروف نحتها الليل على قلبى
ورسمها فوق سطح السحاب
الأمل مولود و موجود
على جلد الكتاب
****************
شاعر القريه
فيصل بدر
