زى النهارده من سنين
القلب كان مهموم وحزين
يوم وفاة أحن قلب
أبويا الغالى الشيخ أمين
رجل من أهل القرآن
وكان إمام للمصلين
يومها شوفت الدنيا سوده
قلبى كان نبضه أنين
عمرى م تخيلت أبدا
أنه ييجى يوم ويرحل
كان معايا كل لحظه
قبل نومه كان يرتل
صوته كان عذب ورقيق
ف الأذان كان صوته أجمل
قبل وفاته بوقت بسيط
قرأ أكثر من جزئين
صوت جهورى وكنت سامعه
والجيران كانو سمعين
بعد وقت يدوب قصير
نادونى إلحق أبوك
نزلت والكل مزهولين
شوفت ملاك معدول ع القبله
والشفايف مبتسمين
سبت كل الناس ولزمته
وقرأت سورة يس
رحمة الله عليك ياأبى
اللهم أرحمهما كما ربيانى صغيرا
أبى وأمى وجميع موتى المسلمين
سامحونى أطلت ولكنه الحنين
رجاءا الدعاء لهم ولجميع المسلمين١ تعليق