آه يا بلد

عيني عليكي يا بلد
لابسين توب السواد
لو نفرح فيكي ف يوم
اليوم التاني حداد
حزين عليكي يا بلد
من اللي بيحصلك
قطرك يعدي اليوم
يموت الاحباب 
مبنلحقش نفرح ليه
هو انتي عايزه ايه

مكتوب علينا الحزن
الدم بقي كتير
بالقتل أو بالحرق
والحزن مالينا
علي فرقة الاحباب
وعيني عليكي يا بلد
عايشين كتير في حداد
الهم مالينا
مغطي حتي الراس
واحنا علشان غلابه
تحت الجزم ننداس

مين فينا منجرحش
وداق فيها المرار
والألم عشش قلوبنا
وحياتنا صارت دمار
لكن بحبك يا بلدي
مهما اشوف منك
وهفضل عايشلك
واشيل انا ف همك