..العادي يكون حضنك دفا..
..فيه حنان صدق و وفا..
..العادي يكون قلبك امان..
..جوّه منُّه فيه مكان..
..يأوينى لو حلمى اختفى..
..من غير ما ادوّر تبقي جنبي..
..تحمي قلبي من الهوان..
!!..فيه لسّه منه..!!
!!..ولاّ عليه الزمن عفا..!!
..بدون اثبات من غير تحليلات..
..ولا حتي رغي و فلسفة..
..حاولت ياما والعمر فات..
..ضاع الأمل حب اختفي..
..رضيت أعيشها من سكات..
..ما بين محايله و شحتفه..
..إنسان و عايش إحساسه مات.. 
..حبيت أقوللي بالشفا..
..لا هي مره أولى و لا الأخيرة..
!!!!..من الدنيا هاخد بالقفا..!!!!

خالد القصبجي