يا هاجرنى 
..
يا ترى فاكرني ولا ناسينى .. يا هاجرنى من سنين ..

طال الغياب و طال حنينى .. و الدموع تملا العين ..

ما كانش يخطر ف بالى .. يجى يوم و أبات حزين ..

و أتعذب من نار أشواقى .. و نارى تبقى نارين ..

يا هاجرنى ..

فاكر حبى ولا ناسيه .. و دقات قلبى و فرحته بيك ..

كنت تمللى الغالى عليه .. كان ديمآ بيفكر فيك ..

عاش أجمل أيام عمره .. لكن إنت الحق عليك ..

دلوقتى بيحلم و يقول .. ولا ليلة من لياليك ..

يا هاجرنى ..

تعبت خلاص من كتر أسايا .. و إنت بعيد عنى ..

كنت أتمنى تبقى معايا .. و أشيلك ف العين و الننى ..

ما أحسبش الأيام هتدور .. و يجى يوم و تبعنى ..

بعد ما إدتنى الأمل و النور .. كنت ليه بتخدعنى ..

يا هاجرنى

اللى باقيلى منك ذكرى .. عايش بيها من يوميها ..

بتفكرنى بأحلى ليالى .. كنت تمللى بحلم بيها ..

ولا يوم شكيت من حالى .. و الآه كنت بداريها ..

و إنت عارف إنى بحبك .. و أتمنى الجنة و أعيش فيها ..

يا هاجرنى ..

بقلم الشاعر .. محمد البريمى ..