Youssef Megale

‏٤‏ ساعات · إضافة موضوعات
ايه اللى اتغير فيك ---------- سؤال محير نفسى
---------------------------------------------------- 
زحمة قلوب حواليك -------- خلونى اكلم نفسى
نسوك احب ما ليك ------- حتى هناك فى انسى
اه ياخوفى عليك -------- و يا خوفى من يائسى
كل اللى شافته عنيك ------ معايا خلاص منسى 
---------------------------------------------------- 
معقول نسيت اوقاتى -------- وهيام روحك فيها
وحلفانك بحياتى ----------- وان بروحك تفديها
واحساسك باهاتى ------------ قبل ما اتنهد بيها
انغام غزل نظراتى ---------- و نظراتك بتغنيها
---------------------------------------------------- 
نسيت حبك لهمساتى ---- وسراحانك فى معانيها
ونسمة طيرت خصلاتى --- وانت بحنية تساويها
وسمر مهجتنا يوماتى -------- وامل بكره ماليها
وعهود قلوبنا ليلاتى ------- برضه كمان ناسيها
---------------------------------------------------- 
ياما احترت اشكيلك -------- وعاتبتك فى خيالى
وياما قولت احكيلك ---------- وابوح باسا حالى
و ضنايا من رحيلك ------- ومن استبداد الليالى
ولما تصادف واجيلك ------- كله يروح من بالى
---------------------------------------------------- 
ياما فكرت ابيعك ------------ وارجع تانى خالى
الاقى قلبى شفيعك ------------ زنوبك بيحللهالى
ازاى تهون ابيعك ------ وانت على الغالى غالى
هافضل اغنى لربيعك -------- يمكن تحن لموالى
--------------------------------------------------- 
بقلمى يوسف ونيس مجلع --- مصر