سَاعَاتْ نْشِيْل الْحِْملْ === ثـِقْـْلوُ لْظَهْرِي َلاِوي

لا ِنـتِْعبْ مِنُّو َلا ْنِملْ === لا نُُـقُُُُولْ َقْـلْبِي لا كْلاوِي

وْسَاعَاتْ نِعْجِزْ عْلىَ رْطَلْ === وِلْسَانِكْ حَرْ شَاوِي

يْكِيدْنِي هَزَّانْ حْبَلْ === لانِحْمِلْ بْخُورْ لاجَاوِي

كْلامِكْ بَرِّكْ الِبلْ === لا قُوتِي قُدَّامُو تْسَاوِيِ

سَاعَاتْ نْشـُقْ الْجْبَلْ === ِوالذ ِّيبْ فِي اللـِّيلْ عَاوِي

نـْعَفـِّسْ لـْفَـَاعِي بـِثـْقـِلْ === َنَخْطِفْ الِطـّيرْ الفْضَاوِي

وْسَاعَاتْ بْجَنْبِي المَحْفِلْ === نْخَافْ مْنِ ِالَـقََـَمَرْ الضـََّاوِي

نـَحْطَاطْ  مِنْ شْبِرْ تــَلْ === فِي بَالِي عَ الـشَـّْرْ نـَاوِي

مِنْ بَعْدْ مَا كُنْتْ بَطَلْ=== لْبِسْتْ حْرَامْ نْسَاوِي

سَاعَاتْ لا نَعْرِفْ الظّـُلْ === ِوْلِهيبْ الَشّْمْسْ كَاوِي

نْشُقْ فْرِقْ وِمْلِلْ=== لارِيقْ لا مَاءْ  رَاوِي

وْسَاعَاتْ نْسَلـِّمْ فِي الكُلْ === نـْقـَيـِّلْ تَحْتْ حِيطْ خَاوِي

لا نْمِدْ رَاسِي لا نْطُلْ === مِتْغُطِّي بْغِيمْ سْماَويِ

نِجْبِدْ فِي رُوحِي ِونْسِلْ=== مْرَوِِّحْ  لِلْكَافْ هاَوِي

سَاعَاتْ لا نْطِيقْـْلِكْ بْدَلْ === نَنْسَى جْمِيعْ المْسَاوِي

كْلامِكْ قَطْرَاتْ عْسَلْ === مْرَيِّضْ وِالَطّبِيبْ يْدَاوِي

وْسَاعَاتْ نْقََعْقِعْ كِي جْمَلْ=== قـُدَّامْ لْسَانِكْ الكَاوِي

دِفـْلـَة بْطَعْمْ الْبَصْلْ === مُرَّارْ وِالجُوفْ خَاوِي 

لا طْبِيبْ يـَلـْقَالَهْ حَلْ===عِرْقِكْ مْنِ الَسَّْم رَاوِي

  سَاعَاتْ  نِزْهِرْ كِي فْحَلْ === تُهْرِبْ جْمِيعْ الْْبلاوِِي
نْسَكِّرْ الـثَّـّنِيَّة وْنِحْـتـَلْ === نَـَقْطِعْ الحَثـْلـَة وِالخَطَاوِي
وْسَاعَاتْ نْكُونْ كِي وْرَلْ === عَايِشْ فِي جَوْ صَحْرَاوِي
نِزْحِفْ بْكِرْشِي عْلَى رْمَلْ === بْذِيلِي نْبَعِّدْ الْعَدَاوِي

 ياَمَا نَابِي  قـْتِلْ === لـْفَاعِي وِحْنُوشَة ضْرَاوِي

سَاعَاتْ نُسْكِنْ فِي فِلَلْ ===

صْعِيبْ يُوصِفْهَا الرَّاوِي

يُرْكُضْ لَشْهِبْ مَا يْمِلْ === مُكَيِّفْ

واِلهْوَا طْرَاوِي

وْسَاعَاتْ كِي فَرْخْ الحْجَلْ ===

تَلْقَانِي أَرْضِي وِ سْمَاوِي

بِينْ الخُشَّة وِ فْلِلْ === عَسَّاْس

عْلَى كُلْ خْطَاوِي

عَ الحَثْلة نْمِدْ رَاسِي نْطُلْ ===

إِنْذاَر ْ فِي مَصْنِعْ كِيمْيَاوِي

القيروان

07/4/2012