إِسْمِكْ أَوْحَالِي بِقْصِيدَة

=============

مَابِينْ القَوْلَة وِالقَوْلَة .....فِي كُلْ مَرَّة نِنْزِلْ "جَـــامْ"

نْحِبْ حْكَايَاتِكْ يَا خَوْلَة.....قُولْ وْكَـثّـِّرْ مْنِ الْكْـــلامْ

نْحِبِّكْ يَا خَوْلَة تَحْكِيلِي...كُلِّي لِيكْ شُوقْ وْغَــــرَامْ

إِنْتِ فِي صَمْتِي تَرْتِيلِي..وْأَحْلَى سَاعَاتِ القِيَـــــامْ

كِنْشُوفْ إِسْمِكْ مَكْتُوبْ..فِي" الفَايِسْ" عْلِيهْ زْحَامْ

نْقَرِّرْ فِي  كُلْ يُومْ نْتُوبْ......نِبْعِدْ عْلَى كُلِّ الأوْهَامْ

إِسْمِكْ أَوْحَالِي بِقْصِيدَة...أَجْمِلْ مَا كِتْبِتْ الأَقْلـــاَمْ

نَبْدَاهَا بْغُصَّة وْتَنْهِيدَة......يُنْهِيهَا صَمْتِي بْإِحْكَاــــمْ

إِسْمِكْ خَرَّبْلِي تَفْكِيرِي....خْذَانِي مِنّوُ عَ الــــــدَّواَمْ

لَمَّا اِنَّادِي عْلَى صْغِيرِي...إِسْمِكْ يِسْبِقْ لِلْأمَــــــامْ

إنْتِ يَاخَوْلَة فِي حْيَاتِي....حُزْتِ فِيهَا كُلْ مْقَـــــــامْ

بَدَّلْنِي حَتَّى فِي ذَاتِي.....بْإِسْمِكْ ناَدِيتْ  المَــدَامْ

إْسْمِكْ بَهْذَلْنِي وْحَيَّرْنِي...يَامَا عَرَّضْنِي لِمْـــــــلَامْ

إِسْمِكْ وَقَّضْنِي وْسَهَّرْنِي..خْذَا مِنْ عِينِي عِزْ مْنَامْ

**عبدالسّتّار زرّوقي

2011/12/23