(تزعلني)
شعر عارف شلش الساعدي
ماناسيك صدگ
لیلي افكر ييك
وانهاري بعذاب
اتحب تزعجني
وانه الرايدك
وابروحي الشاريك
بس ليش الهجر
يالمبتعد عني
انه بديرة
وانته ابديرتك خليك
وياوسفه ابكلامك
اگطعت ظني
موغيره الحب
اوتدري امتانيك
وتطعن بيه احس
وكثرت حزني
واظل اليل كله
بس افكر بيك
وبهجرك حبيبي
كثرت وني
وانه ابناري اشتعل
والشمات تفرح
شسمعت عني
لاماطيح صدگ
لااذل للناس
من يكرهني ويحبني
لأن عزت نفس عندي
التملي الكون
اوياوسفه
احسك مامجربني
وعلى الصعبات اصعد
واطحنهن طحن
ومن الله صبرني
وصبري بيه بروده
وهادي الاعصاب
شما تاخذ وتنطي
وهم تذكرني
مر بيه العذاب
وانه ساكت ليش
وگلب الیل لجلك
ماغمض جفني
بسك عاد كافي
لاتلچم اجروح
گلبي وحيل توجعني
بسكوتي احبس العبرات
وأشد ذيچ الجروج
العندي تالمني
خليني بعد
بسك تهيج اجروح
وانه اهواي احبك
يلي متحبني
متناسين صدگ
یالافکر بیك
وانهاري بعذاب
اتحب تذكرني
