.........( غيمة فى الوشوش) ......

غيمة فى الوشوش ..

الناس حياري... 

والضوء شحيح 

تسأل سؤال.... 

يرد عليك... 

بكلام صريح... 

أصل حضرتك الجيب مفلس... 

والراتب مافيش... 

وعندي ولد... 

إتخرج سعادتك... 

وخلص جيش.. 

وبروز شهادته.. 

فى البيت.. 

وأنا وسطه ليه معنديش... 

والله معين... 

والبنت كبرت... 

وسنها عدى... سن التلاتين... 

وأهى ماشيه أهيه... 

حضرتك على الكورنيش.. 

بتندب حظها... وبختها اللي مال... 

وحضرتك طبعاً جواز مافيش... 

يا عمنا.... يا محترم... 

حس بقا... أحسن كده... 

حاجة تغيظ... 

هو الموضوع فلوس... 

طبعاً  فلوس... أمال أيه... 

شقة بكام... 

ودهب بكام... 

ومنين العفش...

 ومنين طلبات النيش  ..

مهو حضرتك... لو تبص للناس... 

هتعرف ان الكلام صحيح... 

مش تلطيش

أصل اللحمة فى الأتوبيس... 

وعند الجزار... اللحمة مافيش

وكله هنا... عايش والله... 

رايح..... جاي.... بياكل عيش 

حس حضرتك بقا... 

أصل الدنيا خلاص إغمقت...

والنظر خلاص بقا شيش بيش... 

وبهواتك راكبه... سيارات فاخره... 

والغلابه كتيييير... ماشيه حافيه.. 

بتتلصص هنا... على لقمه ناشفه... 

وأنت هناك ولا حاسس بيهم... 

ورجلتك تقول إمسك يا شويش

أصل دا واحد غلبان... 

ماعندوش وسطه... 

يلا جره على التخشيبه... 

أصله دا واحد مايساويش 

يا عمنا... يا محترم 

افتكر لو للحظه... 

ان فيه ربنا.... قادر على كل شيء 

................................................

بقلم.... فايز علام........ مصر..... 

21/1/2019