أنا راحل
******
أمام عينيكي انتحرت كل الكلمات
صمتت كل الهمسات
معكِ انت توقف الفلب عن الهذيان
وبهمساتك تدفق الدم في الشريان
لكن انا راحل
راحل ومش ناسي
حبايبي وأهلي وناسي
وشنطة سفري ويايا
فيها ذكريات عمري وأيامي
فيها أمالي وأحلامي
راحل ومش عارف
علي فين راح أروح
مطرح ما تخدني السكه
أنا معاها هاروح
ماهي ماعدتش فارقه ويايا
ماأنا أصل الغربه واخداني
هنا وفي أي مكان وحداني
وحداني في نفس مكاني
وسط أهلي وحبايبي وخلاني
انا راحل
راحل ومش قادر أنا ع الفرقه
راحل وفي قلبي ميت حرقه
وان يوم غلبني الشوق
و غلبني ليكي حنيني
هادعي الرب انك تسامحيني
ماأنا راحل وكلي أنين
راحل وقلبي حزين
بس ايه أخرتها في الأخر
لما انت ناوي ع الرحيل
ليه رجعت من تاني
ليه صحيت فينا الحنين
وجروح سنين وأنين
وصحيت ألاحلام والأماني
ياقلبي مالك والأنين
لحد امتي هاتعيش حزين
هاتبكي علي مين ولا مين
ماانت عارف . كلهم غدارين
قلوبهم حجر ما تعرف حنين
ما تصدقشي ياقلبي
لو قالوا مره مشتاقين
كدابين والله كدابين
صفاء عبد ربه
