"نُص حكايه"

عشان اعيش فى نُص حكايه مابتكملش
عشان الحلم جوايه
ببات خايف انام ما احلمش
ولما بتبقى قدامى يبان خوفى
اقوم رافض غناكى لما تغنى بحروفى
عشان نص الحكايه خريف
ورق اخضر وما بيدبلش

كتبت القصه منغيرك
طرف واحد يموت لجل
الامانى تعيش
وبكره مافيش
نص الحكايه
اتسرسبت
من فتحه صغيره فى الشيش

وبين قوانى العسل
طعم المرار حاضر
ما انا قلت م الاول
نُصى الوحيد حاضر
والحفله منصوبه
طوبه ومعطوبه
مبقتش فاهم روحى
ما القسمه مكتوبه
وعشان حبة معانى
المعنى تاه منى
وف نص كلمه
الاهات فيكى تاهمنى
وعشان يابخته الى بات مغلوب
نص الحكايه
تبات فى الدرج مغلوبه

بقلم / اسلام ياسين