(( كفايـــة هموم ))

أنا عاشق أنا و مغروم

أنا مش رافض المقسوم

لكن رافض أبات مهزوم

أنا ماشي طريق مرسوم

و مهما أبعد أعود مرغوم

مليش في الغدر أو في اللوم

أنا أبدا منيش معصوم

لكن فيكم كتير مصدوم

أنا كنت يا ناس موهوم

دا حبكم ليه كان مزعوم

بجد بقيت كتير مغموم

أنا تعبان و كلي هموم

أنا منكم كتير مظلوم

أنا خاصمت عيوني النوم

خدعتوني بكلام مسموم

و حبيتكم و أنا المحروم

و لا وفيتم معايا في يوم

و لا ليا ما بينكم خصوم

و لا ناوي أوجِّه لوم

لكن أسأل إلهي دوم

أكون من غدركم مرحوم

كلمات الشاعر المصري /

محمد العراقي

في / 22 / 9 / 2014 م