كل الى فاضل ع الخريطه
شئ م الخريف
يادوب شايفك ياوطن
تخاطيف
عريانه ارضك والحيطان والسد
شقت ستاير عرضها
دخل الهويس ع الاد
فتحوا البيبان الحرس
والحاشيه والخدام
من امتى كان الخرس
يشبه تمام الرد

كل الى فاضل ف الوطن
جندى !!
وسلاح هزيل
لايجيب ولا يودى
طلقُه جريح زيي
مايصيبش غير خدى
الدم لون الورد
والزفه منصوبه
نصبوا الصوان واتهد
حلمنا الوردى

كل الى فاضل مننا
حبة معانى
القتل فينا حق
والحق بقى جانى
والى اتسرق م الشق
هو الى نجانى
وطن هزيل مغتصب
بايع عشان لذه
من امتى بيع الشرف
يشرى وطن تانى

بقلم اسلام ياسين