المشنقة
احمد صبري

في المشنقة
حاجات كتير متعلقة
اوجاع كتير متفرقة
متجمعة على موتي
ظلم الايام
اعدام احلام
وانا راضي بسكوتي
وصوتي
لسه ليه باقي
حزين على اخر
انبائي
للموت تحول
اوراقي
وداعا احلى اوقاتي

نهاية حزينة فرحانة
ناس غيري هيرتاحو
قلوبهم بيا خسرانة
قلبي تاعبهم بجراحو
كتبت عذابي مواويلي
داريت دمعي ورا ليلي
معرفتش مين هيدعيلي
وعيونه ليا متشوقة

قي المشنقة

معاني جميلة متخنقة
احزان كتيرة متلزقة
سراب اوهام متصدقة
وخنقتي ذادت
من اليالي وغدرها
من حبايبي وهجرها
من كل حاجة بحبها
فرحتي ماتت
وضحكتي اتعلقت
على وهمي
وسكتي اتلونت
بلون همي
وسال دمعي
على دمي
وحياتي فاتت

نهاية ابتداها موت
اكيد العيشة كرهاني
طرداني كل البيوت
وحياتي تعباني
الظلم بدل احلامي
والحلم فارق ايامي
والحكم مكتوب اعدامي
صورة اخيرة متشققة
في المشنقة