ياقبر بقلم الشاعر عادل المصري

................( يا قبر )...............
يا قبر مالك كل يوم بتنادى علينا .....
يا ترى بتوعظنا ولا عاوز تبكى عنينا ....
ولا بتفكرنا بان اللى هنشوفه هو اللى جنته ادينا ....
ولا قصدك نشيل الظلم اللى حوالينا ....
والله يا قبر احنا متجاهلينك ....
وبننسى اننا فى يوم من الايام داخلينك .....
وفينا اللى هيفرح وفينا اللى هيكون حزين ....
مالنا يا اولاد ادم بالدنيا مشغولين ...
وللجنه والنار ليه ناسيين ....
فى اول منزله فى القبر هيضمنا ضمه ....
من هينفعك المشيعين وكترهم واللمه ...
وتانى منزله يجيلك الملاكين ...
يقعدوك ويسالوك ربك ورسولك مين ...
وليه فى الدنيا كنت من الظالمين ...
وليه بمالك وصحتك كنت من المغرورين ....
واللى عملته فى الدنيا تلقاه .....
خير او شر جوه القبر يا ولداه ....
يا ابن ادم بلاش غباوه ...
وبلاش تاخدك للنار كتر الاساوه ....
اهدى وقرب من الله وبلاش شقاوه ...
طهر قلبك وابكى بعنيك ...
ويلا شيل ظلمك على الناس باديك ...
ومتخليش حد يدعى فى يوم عليك ...
ده القبر بينادينا كل يوم ....
وعاوز يشيل عنا كل الهموم ....
وعاوزك ترد المظالم للمظلوم ...
....عادل المصرى .....