إياك تسيبنى بقلم الشاعر /محمود ضياء محمود.

( إياك تسيبنى )
هى /
بتقول حبيبتك
طب ليه سايبنى
بتحبنى وﻻ
عامل حاببنى
امانه عليك إياك تسيبنى
هو /
ازاى اسيبك ياحب عمرى
كل ما فيا بيقول بحبك
بعدى عنك غصب عنى
كان عشانك ياحته منى
واعرفى انك معاياكل ثانيه
ماغبتى عنى ياحبيبتى
هى /
طال غيابك عنى
وحياتى ما تزعل
شوقى قاتلنى
خلانى اقول
كلام زعلك منى
هو /
ازعل ازاى وانا منك وانت منى
انا من غيرك ولاحاجه
بحبك واقولها بصوت عالى
لوكان حبك خطيه
انا خاطى
لو كان حبك قضيه
بحكمك انا راضى
لو كان حبك نهايتى
فموتى شيء عادى
راجع اكيد راجع
متدمعيش تانى
جرحك دبح قلبى
آه هاموت يانى
هاعوضك عمرك
ياكل الحانى
انت احلى حاجه
شفتها فى الكون
خلطه كده
ماشافتها عيون
بتقولى اسيبك
وانت ملكانى
وحياة دموع قلبى
وحياة ال ضاع منى
من غيرك
راجع اكيد ليكى
اصل انت وحشانى
هاعيش باقى عمرى
اداوى احزانك
متدمعيش تانى.
هى /
مستنياك
يامنى قلبى ونبضه
مستنياك
قلبى الفراق هده
مستنياك
تمسح دموع قلبى
وعينى
ولما تيجى
ههمس لقلبك واقوله
اياك تسافر تانى وتغيب
إياك تسيبنى

بقلم /
محمود ضياء محمود.