( ياصاحبى)......
ياخساره ياصاحبى
بتبيع بالرخيص
ياريتها تستاهل
للأسف متساويش
كنت فاكرك صاحب
طلعت مبتحبنيش
يااااااه يااااااصاحبى
كنت فاكرك أخ
واجدع صاحب ليا
اأتمنتك على كل ما ليا
عايش عشانك
وانت عايش تخون فيا
كنت ببكى قصادك
من غدر لياليا
مع ان دمعى اعز ماليا
كنت فاكرك اقرب حاجه ليا
يااااااه يااااااصاحبى
فاكر ياصاحبى
لما كنت بشكيلك وبحكيلك
لما كنت تحتاج واديلك
ولا ناسى ايام زمان
لما كنا بنقسم ف الرغيف
وياما كلنا الفول فى كيس
كل ده كان ع الرصيف
وكنا بنتخاصم ونتصالح فى ثانيه
نقول لبعض احنا لبعض الدنيا فانيه
يااااااه يااااااصاحبى
باندم على عمرى ال ضاع وانا صاحبك
وياريت تنسى كمان ان انا صاحبك
خليك على حالك
صعبان عليا
يلى الشيطان ساحبك
خلاك تخون ال كان صاحبك
يااااااه يااااااصاحبى
بقلم
محمود ضياء محمود.
