مجلة لألئ القلوب الأكترونيه

ابنى
شاعر الغلابه
ايمن البلاط
هو سندى
وهو ضهرى
هو فرحى
وهومهرى
وهو حامى حمايا
هو ايام عمرى اللى راحت
هو ايام عمرى اللى جايه
هو ارضى وسمايا
هو اسمى الباقى فيكى
بعد الرحيل
هى سنة الحياه كدا
جيل بيسلم جيل
هو امتداد لذكرايا
هو اليوم السعيد
هو العمر المديد
هو الجيل الجديد
هو كل منايا
هو القلب والروح
والعين والننى
هو ابويا واخويا
وصاحبى وابنى
والنفس وهوايا
هو الحب
والعشق والحنيه
هو الهيام والغرام
و كل شئ ليا
هو دائى ودوايا
هو الحقيقه والخيال
هو المتعه وراحة البال
معايا ف كل مكان
شايفه فى كل الزوايا
هو كل حرف بكتبه
وكل نشيد بنشده
هو كل لحن لغنايا
هو حبيبى وحته منى
نظره من عيونه تشغلنى
والدمعه لو مره تيجى ف عينه
النار تكوينى وتقتلنى
ماهو بردو اسمه ضنايا
بشوف فيه كل ايامى
طفولتى وشيخوختى وشبابى
نفس الشكل والحركات
اخد منى كل السيمات
اكنه كان عايش جوايا
هو سندى
وهو ضهرى
هو فرحى
وهومهرى
وهو حامى حمايا
شاعر الغلابه
ايمن البلاط


WWWlaleelklob

الشاعر ايمن البلاط

  • Currently 0/5 Stars.
  • 1 2 3 4 5
0 تصويتات / 33 مشاهدة
نشرت فى 16 يوليو 2021 بواسطة WWWlaleelklob

ساحة النقاش

عدد زيارات الموقع

16,303

تسجيل الدخول

لآلىء القلوب

WWWlaleelklob
مجلة لألئ القلوب الألكترونيه مجلة ادبيه ثقافيه »