مجلة لألئ القلوب الأكترونيه

نام ياقلبى
شاعر الغلابه
ايمن البلاط
ياقلبى ليه سهران
بتفكر فى اللى نسيك
بين القلوب حيران
والنوم ليه مجافيك
ياما سهرنا ليالى
نناجى فى الهواء طيفه
لا القلب حس بينا
ولا العيون بتشوفه
نام ياقلبى وارتاح
وبلاش الشوق الفضاح
حبيبك ولا سأل فيك
وانت فى هواه مدبوح
سهرتنى ايام وليالى
على امل كداب
دا حال كل العشاق من حالى
عايشين وهم وسراب
دارى ياقلبى
الوجع ال جواك
واضحك وركب وش
ولو حزن الدنيا مليك
دايما خليك فرش
ما هو كل ال اشتكي للناس
مسمعش غير معلش
من انهارده مش هزعل تانى
بالعند فيكى يادنبا
هعمل مبسوط
اعملك يادنيا معايا
هعمل سعيد
وكمان فرحان
وهعزف كل الألحان
وانتى ترقصى على غنايا
كل اللى فيكى كتبته
ميجيش سطر فى كتابى
لا قلب يوم حس بيا
ولا شاف عذاب زى عذابى
ياقلبى ليه سهران
بتفكر فى اللى نسيك
بين القلوب حيران
والنوم ليه مجافيك
انسى ياقلبى اللى ينساك
ولا تسألش عليه
اللى مايسألش علينا
عليه منسألشى
واللى منصعبش عليه
علينا مايصعبشى
حتى لو جرت دموعه
انهار متوقفشى
حكمه قالوها زمان
اجرى جرى الوحوش
غير رزقك ماتخودشى
شاعر الغلابه
ايمن البلاط


WWWlaleelklob

الشاعر ايمن البلاط

  • Currently 0/5 Stars.
  • 1 2 3 4 5
0 تصويتات / 38 مشاهدة
نشرت فى 16 يوليو 2021 بواسطة WWWlaleelklob

ساحة النقاش

عدد زيارات الموقع

15,915

تسجيل الدخول

لآلىء القلوب

WWWlaleelklob
مجلة لألئ القلوب الألكترونيه مجلة ادبيه ثقافيه »