(مجلة كل الخواطر ) فلاح مكافح -----------بقلم الشاعر \مبروك علوة

فلاح مكافح
فلاح مكافح
للمر طافح
عايش حياته
بين الغيطان
الشمس فى راسه
وفي ايده فاسه
يزرع ويحصد
دايمآ شقيان
سايبينو وحده
محدش بيساعده
ما في إيد تشيله
ولا يوم تسانده
رمتوه لهمومه
طول ليله ويومه
يعصر في هدومه
وعرقه يزيد
من كتر الهم
مش لاقي قوته
ولا حتي ملامحه
جددها العيد
بيسهر ليالي
ينوح ويلالي
حتي لبيته
مش لاقي رغيف
يتعب ويشقي
طول النهار
يمكن يلاقي
لأولاده مصاريف
ما تشيلوا عنه
ميدولو ايديكوا
دا واحد مننا
الله يخليكم
☆☆☆☆☆☆☆☆؛
مبروك علوه