(مجلة كل الخواطر) عنيها فى الحلم ----بقلم الشاعرة \عزة وهيب

عنيها فى الحلم ....
ـــــــــــــــــــــــ
بتضحكلى عنيها فى الحلم
وتقولى اتحملى 
الدنيا مهما كانت قصيرة 
ولازم تكملى 
هنتقابل ...هنتقابل ...
وهضمك بشوق كل السنين 
وهتحكيلى اخبارك 
وهيضحك قلبك الحزين 
همسك ايديكى ونجرى 
فى البستان 
نقطف زهور الحب 
وننعم برضا الرحمن
اضحكى يا صاحبة عمرى 
ومتزعليش من فراقنا 
مكنش بامرك ولا امرى 
تعيشى لواحدك جراحنا 
هنتقابل والفرحة هترجع تانى 
بس انت هونى على نفسك 
علشانك وعشانى 
اضحكى يا رفيقة ايامى 
انا دايما معاكى فى احلامك
واوعى تنسى ابدا كلامى 
انا جنبك وهخفف 
شوية من الالامك
سلام واستنينى فى المنام
كل يوم 
بضحكة رضا وقلب بستناة 
من غير وجع او حزن او هموم
يارييييت 
عزة وهيب