(مجلة كل الخواطر) الكرم العربى ---بقلم الشاعر المتميز \عبدالله السايح

……… (الكرم العربي)……… ..
صاحبي وصاحبك بقى ع القهوة
كل بيوتنا بتبكي أنين
يعني كرمنا بقى على سهوة
من غيرأصل فى بيتنا دفين
حاتم الطائي مات م القسوة
بعد ماعاش فى مثلنا سنين
صاب الكرم العربي الحصوة
صاب الكلية مع الشرايين
بعد ماكان العربي مثوى
وكلب العربي نقول له كريم
أصبح قلب العربي أقوى
يعني كرمنا خدوه الشياطين
وسواس أصبح ليه المعنى
والضيف أصبح لينا كمين
بقى فيه خوف م الضيف لوعنا
والثقة ماتت فى العشرين
كل حيطان البيت تسمعنا
وتسمعنا كﻻمها حزين
نفسها نسمع وترجعنا
لزمان مات وقلوب طاهرين
بس قفلنا كتير مسامعنا
واستحسنا نعيش تايهبن
وإتفرقنا حرف ومعنى
ومفيش أخ لأخوه بيعين
أصبح كرهنا بيجمعنا
فى خناق إيد حتى الرئتين
ونسينا دين كان بيمتعنا
لما الحزمة كسرها إتنين
قال بالحب الكون بيسعنا
والوحدة أسهل تكوين
يعني نعيش حتى ولو جوعنا
والضيف ياكل م العينتين
وف يوم رب الكون يسألنا
على ضيف يسأل على رغيفين
عيشي وملحي هيبقى له معنى
يتجمعوا بيه العيلتين
يعني الكرم العربي بتاعنا
محتاج يعرف راح على فين
علشان نذرف كل دموعنا
على شيء ضاع وأصله الدين
….....… .(شعر)…………
عبد الله السايح