…… (مش فاضل لي)……… ..
مش فاضل لي إﻻ إني
فى الحياة أفضل تملي
ويه عشقي ويه ذلي
وحدي أعيش في الحب وحدي...
والحبيب يبقى له خلي
بيه يكمل نص دينه
وادعي ربي إنه يعينه
ينسى حبي من سنينه
ينسى قلبي وينسى لونه
ﻻجل يقدر يوم يخلي
إيده تمسك في الحياة
يبقى له في الدنيا جاه
وعمر يبقى سنين معاه
يسعده على يوم أساه
وأفضل أنا عايش فى ضلي
أحب وأعشق من سكات
وأغزله في الروح آهات
أصله أصلي في الحياة
عمري جا وعمر فات
مهما كان لينا حكايات
مهما كان الوقت فات
هوه بس اللي فاضل لي
جوه مني فرشه بين العين ونني
في الحياة روحه تعينني
إبتسامتة بيها أغني
هوه فرحي هوه جرحي
هوه جوه الضلع مني
لما أبص بعيني أشوفه
ألقى دنيتي بين كفوفه
أبني فرحتي من حروفه
وألقى خوخي جوه خوفه
من زمن يامافيه عزوفه
وياما بدموعه يسلي
نفسي أمسك فيه وأقول له
ليه بيشمت فيه كله
هوه كل الحب مني
وإلا كل الحب منه
مش بيغفر لحظه ذلي
وإلا يغفرلحظه ذله
مش بنصعب يوم عليه
والدموع ع البعد فيه
والحياة إتجمدت منه وإليه
يازمن مره تخلي
القلوب الدفيانين
بالغرام عايشين سنين
ليه سحابك ليه كمين
ليه شموسك كل حين
نار وحرقه المرتاحين
اللي بيعيشوا بقلوبهم
واللي جوه القلب توبهم
واللي جالهم واللي نابهم
هوه نابهم اللي عضعض
في الحنين
واللي فاضل هوه بعدي
وإلاّ بعده
ودمع وعدي ولا' وعده
اللي فاضل هيه نار
بتحرق كل حين
نار بتاكل في التمني
مش فاضل لي إﻻ إني
في الحياة أفضل تملي
أنعي نفسي أنعي ذلي
واقول لنفسي مش فاضل لي
……… ..(شعر)………… ..
عبدالله السايح