( مجله كل الخواطر ) .......(موجةالشك )....... بقلم / عبد الله السايح

موجه من الشك ماشيه
بين أحضان الحبايب
بتاكل حتى فى الحاشيه
فى مين حاضر ومين غايب
يقولوا صاحب الرشوى
وعمره فى يوم ماكان تايب
وتاني يقولوا من الفاشيه
من مده وكان هارب
شكوك تتقال تروح ماشيه
وتعمل من الشكوك قالب
كلام فارغ مفيش خشيه
وفوق الراس سلاح سايب
وصبح الشك فى المحنه
عصير أو لبن رايب
بقينا نشك فى الشحنه
ونفتي كلام كتير خايب
وقفنا لبعض وردحنا
وقولنا كتير كلام عايب
أكلنا بعضنا فى زحمه
وكل واحد أخد نايب
وخونه كتير بدون رحمه
صغير أو كبير شايب
هموم بتزود المحنه
ولامخلوق فى يوم هايب
واجسادنا بقت لحمه
وفرقه فى جسد دايب
قولولي ليه بقت لخمه
وليه الشعب فى مصايب
وجوه الناس بقت فحمه
قلوب سوده وتتعايب
لأن الحب فى الزحمه
بقى فى الطين بيتعاجب
واصبحنا بدون رحمه
مفيش أصحاب وقرايب
وموج الشك يجرحنا
وبحر دموع وسبايب
وبعنا اللي ريحنا
وبقت الناس فى السايب
ياريت نلم فضايحنا
ونرجع تاني نتعاتب