(مجلة كل الخواطر) "عاشق صبية" بقلم عبيد آل حريقه

**عاشق صبيه**********
أصل الحكايه لجدع
للحب كان هاوي 
عشق بنيه الجدع
و القلب كان غاوي 
م الشوق قلبه ولع
و مين يقدر يداوي
ليله و نهاره الجدع
مشتاق و بيداري
كأنه قلبه إنخلع
منه و مش داري
طالب رضاها الجدع
و هي اللي بتداري
في الحب قلبه وقع
و م الحب آه يا ناري
أصل البنيه يا جدع
حيرت لي أفكاري
دي ست البنات في الدلع
و انا قلبي مش داري
رحت و ضربت الودع
و سألته.علي أخباري
رد عليا الودع
بتحبك بس بتداري
عملت كل البدع
و قولت أنا شاري
قالت بحب جدع
شاغلي أفكاري
من يوم ما قلبي طلع 
ع الدنيا و بداري
شوقي في عيوني طلع
و القلب فيه ناري

بقلم

عبيد آل حريقه