لسه مجاش
محمودإبراهيم
ـــــــــــــــــــــ
بستناك في بكرة 
وبكرة مجاش
والشمس وشوشت 
سمع القمر بطناش
وفي حيرة بين اللي رفض
واللي قلبه نبض
يفضل أمل من غير عمل
ونار تحت الجليد 
إحساس بليد خايف أعيد
تزيد مواعيد أبات عنيد
وف عناد من القمر 
يفضل يغار على شمس النهار
ونجوم كتير ضد الأمير
والأميرة متعذبة
بين الضحك وبين البكى
والدنيا ليه متلعبكة
هتفك بكرة في حلمنا
والأمير يلقى الأميرة المتعذبة
والقمر و يا الكبيرة شمس النهار مروحة
يقولها بعد اللقا من غير نقاش
هستنى بكرة في حلمنا 
و بكرة في حلمنا لسه مجاش