جارى التحميل
استخدم زر ESC أو رجوع للعودة
وخلاص نسيتي هوايا ..
ولا هواكي دا طيف !
عدى على قلبك
كإنه سحابة صيف ..
قلبك دا أصلا حجر ؟
ولا أنا اللي ضعيف !
كل ماأحاول أنساكي
الاقي عنيكي تمنعني ..
نسيتي جنونك ف نص الليل !
نسيتي مكالمه ليلها طويل !
نسيتي ساعة ما شوفتك
وقولتي إني أنا خطفتك !
نسيتي رعشة إيديكي
وهما بيلمسوا إيديا !
نسيتي لمعة عينيكي
وهيه بتحضن عنيا !
نسيتي نبضه من قلبي
لحظة ما وقعت على حضنك !
نسيتي همسك على شفايفي !
نسيتي لهفتك فيا !
كفايه ؟! ولا أقول أكتر ..
كفايه أنا اللي مش هقدر !!
