جارى التحميل
استخدم زر ESC أو رجوع للعودة
رئيس جمهورية بيتنا
محمد ضباشه
معقول حياتنا يا ريس
يكون فيها واحد مظلوم
أو واحد فقير غلبان
فى بحر يومه هموم
أو شاب عاجز عن العمل
وطريقة ياريت معلوم
أو حد فينا مريض
ومن دواه محروم
أو حامل شهادة وجاهل
ومن جهله بقى معدوم
فلو قادر تحل مشاكلنا
اشالله المحبة تدوم
--
فيه كام رئيس سبقوك
خرجنا عليهم نثور ونلوم
لأنهم هدوا حيطان بيتنا
وخلوه عش وخراب للبوم
وياما صرخنا فى وشهم
ومنا اللى شق هدوم
وما كانوا حتى بيسمعوا
وأكتشفنا عندهم الفساد بالكوم
واه غارت كل ايامهم
وأصبح بطشهم عندنا مهزوم
--
محتاجين العدل يا ريس
وكل مشاكلنا فى القريب تتحل
وتكون ليك عين على العمار
والتانية علينا تطل
وأيد بتينى مصانع
والتانية توزع فل
على كل فقرا البيت
وكفايه عليهم ذل
صدقنى لو قلت لك
الصبر فيهم مل
وأملهم فى بكرا استوى
حتى فى طريقة ضل
وليلهم اصبح طويل
وبردة طال الكل
ف كفايا عليهم شقا
وكون ليهم شجرة وحبة ضل
