جارى التحميل
استخدم زر ESC أو رجوع للعودة
فاكرينى أعمى
محمد ضباشه
فاكرينى أعمى ومش شايف
وأخرس ولا بسمعلهمش صوت
علشان كدا أنا خايف
وخايف على البلد دى موت
خايف نتوه فى سكك
تسجنا فى بطن حوت
واحنا مش انبيا
فلازم على الحقيقة نفوت
ويسمعوا لينا لو طلبنا القوت؟
أو طلبنا سكن
وعلاج
وتعليم
وميه نظيفة
ووظيفة
فيبقى كدا رضا
وسكوت
وسكوت
--
فاكرينى أعمى أنا وأنتم
وهما بس اللى مفتحين
ربنا وهب ليهم عقول
وأحنا عجول شاردين
لا لينا حق نفهم منهم
ولا حق نكون فاهمين
ولو عارضنا سباستهم
نبقى للبلد كارهين
نبقى للبلد جاحدين
وساعات كتير يقولوا
انتوا ناس جاهلين
--
فاكرينى اعمى ومش شابف
ناس على الطريق حافين
وأطفال تحت الكبارى
من غلبهم نايمين
وناس بتاكل م الزبالة
وعلى فقرهم عايشين
وناس مريضة وفقيرة
شاوينها على الجنبين
وعجائز لا حول ولا قوه
سايبينهم لليدين مدين
وناس بيشرب مجارى
وهما مش حاسين
وناس بيوتها سماها طل
وفرشتها التراب والطين
وشباب على القهاوى
بينادى تقول يا مين
يا حكومة بلدنا
يا ريس
ياوزرا
يا اهل الصلاح والدين
مين فينا اللى أعمى
أنا
ولا اللى للبلد حاكمين
--