جارى التحميل
استخدم زر ESC أو رجوع للعودة
"" الجوع في الشوارع""
الجوع فى الشوارع
بيفحت فى الرصيف فحت
ناس بيقليها المواجع
وناس بتلعب ع السراير سحت
لا ريح فى يوم بتتراجع
أصل القلوب عشمها بخت
ادينى بخت أبو الأشاجع
وارميلى بحر ويخت
هيه المصمصة بتسد جوع
لو يتسمع يوصل لعطارد
وكلام بيعزف على الخشوع
وجناح ما هوش فى الحقيقة فارد
امتى يهزنا الموضوع
ونشيل هموم الجواعى
وسكان الشوارع
هرمنا م المشى ف الممنوع
وادين تصقف والدموع مالهاش شوافع
يارب حنن قلوب الأعنية
والسلطة شبعنا كلام والأدان ف مالطة
يا نبقى زى الكلاب هوهوة
ياما ولا احنا مش بنى آدمين خلطة
ننام والبرد بين الضلوع
عايش واللقمة جمر ونار شطة
ايه فرق مابينا قلى
وبين الكلاب والقطة
الشاعرة/... عبيـــــر الجنـــــــدي...
...(همسات استثنائيه).
