(مجلة كل الخواطر) فتح الله _ للشاعر المبدع / محمد فتحي عبد الغني

فتح الله

،،،،،،،،،،
فتح الله ينادي يافتــــاح
أنا نفسي أدوق التفاح
وأعـزم كل الناس تتفرج
علي حالي الناس ترتاح
،،،،،،،،،،،،،،،،،،،،،،،،،،،،
فتح الله ساخر من يومه
يتريق على حتي هدومه
ويقولك منحوس منحوس
ولا حدش يزعل من لومه
،،،،،،،،،،،،،،،،،،،،،،،،،،،،،
فتح الله ومدامـــه سعاد
بتقــــول له فرحني ياواد
ماتقولي إن شاالله إزيك
واقفها سنتين ف حـــداد
،،،،،،،،،،،،،،،،،،،،،،،،،،،
فتح الله الهم إدالـــــــه
وابيض الشعر من حاله
وأهو صابر ويقول حاتعدي
ويغني ويحكي في مواله 
،،،،،،،،،،،،،،،،،،،،،،،،،،،
كم عيل مسئول ف رقبته
متعلق في الساقية بتاعته
ويروح مهـــــدود مش قادر
عايش مرار بيعفرت حالته
،،،،،،،،،،،،،،،،،،،،،،،،،،،،،،،،
20/2/2015
محمد فتحي عبد الغني